मनप्रसाद भाट ,कार्तिक २५ । विकास, अनुशासन र गतिशीलता नवलपुरको गैँडाकोट ३ मा आयोजित चौथो ढोडेनी कप फुटबल २०८० सम्पन्न भएको छ ।
स्वास्थ्यको लागि खेलकुद, राष्ट्रको लागि खेलकुदको मूल मन्त्रका साथ गैडाकोट नगरपालिका वडा नम्वर ३ वडा खेलकुद विकास समितिको आयोजनामा आयोजित सो प्रतियोगिताको उपाधी देउराली सामुदायिक वन ढोडेनीले हात पारेको छ ।
विजेता देउराली सामुदायिक वन उपभोक्ता समुह गैडाकोट ३ ले रु. ७०,०००।– सत्तरी हजार,सिल्ड,मेडल र प्रमाणपत्र प्राप्त गरेको छ । प्रतियोगितामा उपविजेता वन्दै गैडाकोट वडा नम्बर ३ खेलकुद विकास समितिको फुटबल टिमले रु ४०,००० नगद सहित शिल्ड, मेडल र प्रमाणपत्र हात पारेको छ ।
गैडाकोट नगरपालिका नगर प्रमुख एवम् नगर खेलकुद विकास समितिको अध्यक्ष आदरणीय मदन भक्त अधिकारीले खेलाडीहरुलाई पुरस्कार प्रदान गर्नुभएको हो ।
कार्यक्रममा खेल प्रेमि रोशनभक्त अधिकारी,वडा न ३ का वडा अध्यक्ष एवम नगर प्रवक्ता सिव तिवारी, लक्ष्मण कार्की लगायतको उपस्थिती रहेको थियो ।
