चितवन । जिल्ला प्रहरी कार्यालय चितवनले हत्या गरेर फरार रहेका एक व्यक्तिलाइ पक्राउ गरेकाे छ ।
भरतपुर ११ गणाेस्थानमा आफ्नै आमाकाे हत्या गरेर फरार रहेका कान्छाे छाेरालाइ प्रहरीले पक्राउ गरेकाे हाे ।
पक्राउ पर्नेमा साेही ठाउका बर्ष ४० का पुरन घले रहेका छन् ।
फागुन १० गते रातको करिव २१:२५ काे समयमा भरतपुर ११ गणेशस्थानमा ७८ वर्षकी मिना कुमारी घले आफ्नै घरको कोठामा टाउकोमा चोट लागी मृत अवस्थामा फेला परेकि थिइन् ।
सुचना पाउनासाथ प्रहरी नायव उपरीक्षक विजयराज पण्डितको कमाण्डमा अनुसन्धानका लागि खटिएकाे थियाे ।
प्रहरीले मृतककै कान्छो छोरा घलेले मादक पदार्थ सेवन गरी आमा छोरा बिच बिवाद हुँदा लाठी (दाउरो) ले टाउकोमा प्रहार गरी घटाएको खुल्न आएको चितवन प्रहरीले जानकारी दिएको छ । तत्काल घटना स्थलबाट फरार पुरन घलेलाई खोजतलास गर्दा फागुन ११ गते बिहानको १२:३० समयमा घर नजिकै रहेको चौरमा लुकिछिपी बसेको अवस्थामा फेला पारी नियन्त्रणमा लिई चितवन जिल्ला अदालतबाट कर्तब्य ज्यान सम्बन्धी कसूरमा म्याद थप गरी अनुसन्धान भईरहेको चितवन प्रहरीले जानकारी दिएकाे छ।
