गैंडाकोट । गैंडाकोट पाँचौं उपप्रमुख कप छात्रा अन्तर विद्यालय फुटबल प्रतियोगिता २०७९ काे उपाधि जनक नमुना मावि गैंडाकोट ५ ले हात पारेकाे छ । नगद ३५ हजार सहित शिल्ड मेडल प्रमाणपत्र हात पारेकाे हाे । गैंडाकोट खेलकुद समितिकाे आयाेजना, गैंडाकोट महिला फुटवल क्लव सहयाेगी क्लवकाे रुपमा गैंडाकोट नगरपालिकाकाे प्रवन्धकीय सहयाेगमा प्रतियोगिता सम्पन्न भएकाे लक्ष्मण कार्कीले जानकारी दिए । गैंडाकोट खेलकुद समिति गैंडाकोट क्षेत्रीय रंगशालामा फागुन ४ देखि ६ गते सम्म भएको प्रतियोगितामा २५ हजार नगद, शिल्ड मेडल प्रमाणपत्र सहित बाल ज्याेति मावि उप विजेता बनेकाे छ । १९ विद्यालय सहभागी प्रतियोगितामा बाल ज्याेति माविका सन्तमाया मापचन उत्कृष्ट खेलाडी वन्दै ३ हजार पाँच सय र कप हात पार्न सफल भएकी छिन् । 
त्यस्तै गैंडाकोट इग्लिस स्कुलकी अनुषा सुनार उत्कृष्ट रक्षक, जनक नमुना माविकी सविना सुनारी मगर उत्कृष्ट किपर, रितु तामाङ उच्च गाेलकर्ता, पुजा चिताैरे उत्कृष्ट मध्य खेलाडी, प्रमिला शर्मा उत्कृष्ट स्टाइकर वन्न सफल हुदै ३ हजार पाच सय नगद, कप हात पारेका छन् । फेयर प्ले टिमकाे उपाधि भने नारायणी आधारभुत विद्यालय वनेकाे छ जसले ५ हजार नगद हात पारेकाे छ। गैंडाकोट नगरपालिकाका मेयर मदनभक्त अधिकारी प्रमुख अतिथि रहेर उद्घाटन भएकाे प्रतियोगिताकाे समापनकाे प्रमुख अतिथि उपप्रमुख शान्ति काेइराला रहेकी थिइन् । 
समापन कार्यक्रममा वडाअध्यक्षहरु, कार्यपालिका सदस्यहरु, वडा सदस्यहरु, प्रमुख कार्यकारी अधिकृत, शिक्षा यूवा खेलकुद शाखा प्रमुख, विद्यालयका प्रअ,राजनीति दलका प्रतिनिधि लगायतकाे उपस्थिति रहेकाे थियाे ।
खेलमा उत्कृष्ट खेलाडी छानिएको र उनीहरुलाई प्रशिक्षण दिई गैडाकोटको महिला फुटबल टिम बनाईने लक्ष्मण कार्कीले जानकारी दिनुभयाे । प्रत्येक खेलको प्लेयर अफद म्याच दिइएको समितिका उपाध्यक्ष रमेश तिवारी ले बताए ।
