चितवन । चितवनमा त्रिशुली नदिमा खसेर एक पुरुषकाे मृत्यु भएकाे छ

पुलबाट खसेर घाइते पुरुषकाे उपचारकाक्रममा मृत्यु भएकाे हाे ।
जिल्ला प्रहरी कार्यालय चितवनका अनुसार इच्छाकामना गा.पा.५ स्थित तीन नम्बर पुलबाट नाम थर वतन नखुलेको करिव बर्ष ६०/६५ जस्तो देखिने पुरुष घाइते भएका थिए ।

मुग्लिङ बजारमा मागी खाइ हिंड्ने गरेको र मानसिक सन्तुलन ठिक नभएको व्यक्ति मोटेरेबल पुलको साइडबाट खसी त्रिसुलि नदि किनारमा पुगेको भन्ने खबर पाएपछि प्रहरीले उद्दार गरेकाे हाे ।

उद्दार गरी उपचारको लागि एम्बुलेन्स द्वारा भरतपुर सरकारी अस्पताल तर्फ पठाइएको र शरिरको विभिन्न भागमा चोट पटक लागेकाे चितवन प्रहरीले जानकारी दिएकाे थियाे ।
उपचारका क्रममा उनकाे मृत्यु भएको हाे ।