नवलपुर । देशकै कान्छाे जिल्ला नवलपुरमा आज भिड तथा दंगा नियन्त्रण सम्बन्धी नमूना अभ्यास कार्यक्रम सम्पन्न भएकाे छ।
पुर्व पश्चिम राजमार्ग भएकाले समेत सुरक्षा सवेदनशील मानिएकाे जिल्लामा साे अभ्यास गरिएको हाे ।
कावासोती ८ स्थित खेल मैदानमा जिल्ला प्रहरी कार्यालय तथा शसस्त्र प्रहरी बल नेपाल ३१ न. गुल्मको आयोजना, जिल्ला सुरक्षा समितिको सहकार्यमा संयुक्त भिड नियन्त्रण सम्बन्धी व्यवहारिक नमूना प्रदर्शन कार्यक्रम गरिएको हाे ।

कार्यक्रममा बलत्कार सम्बन्धी घटनाको परिकल्पना गरि कथालाई विषयवस्तु बनाएर त्यस घटनाबाट आक्रोशित भिडको परिस्थितीलाई चरणबद्ध रुपमा सुरक्षाकर्मीले गर्नु पर्ने कामकारवाहीलाई उत्कृष्ट तवरबाट प्रदर्शन गरिएको जिल्ला प्रहरी कार्यालय नवलपुरले जनाएको छ ।
कार्यक्रममा प्रमुख जिल्ला अधिकारी कृष्ण प्रसाद लम्साल लगाएत जिल्ला सुरक्षा समितिका सदस्यहरु, नेपाल रेडक्रस सोसाईटी उपशाखाका प्रतिनिधिकाे समेत उपस्थिती रहेको थियो ।