नवलपरासी । जिल्ला प्रहरी कार्यालय नवलपरासीले अवैधरुपमा भित्राइएको १३३ बोरा गहुँ बरामद गरेको छ । सूचना अधिकारी प्रहरी नायव उपरीक्षक भोजराज पाण्डेयका अनुसार बिहान ६ बजेको समयमा भारतबाट भन्सार छली अवैध रुपमा ल्याएर प्रतापपुर गाउँपालिका . ५ बसहिया स्थित कैलास हजामको घरमा लुकाई छिपाई राख्ने क्रममा फेला पारेको हो ।
करिव २ लाख मुल्य बराबरको १३३ बोरामा ६ टन ६ क्विन्टल ५० के.जी. गहुँ बरामद गरिएको हो ।

जिल्ला प्रहरी कार्यालयबाट सादा पोशाकमा खटिएको प्रहरी टोली, ईलाका प्रहरी कार्यालय बेलाटारी र प्रहरी चौकी बसहियाबाट खटिएको संयुक्त प्रहरी टोलीले अवैध रुपमा भित्राइएको गहुँ फेला पारेको हो ।

अहिले आवश्यक कारबाहीको लागि महेशपुर भन्सार कार्यालयमा बुझाउने र थप अनुसन्धान जारी राख्ने पाण्डेको भनाई छ ।