चितवन । नेपाल तरुण दल चितवनका जिल्ला उपाध्यक्ष प्रमिश राइले जिल्लाका सवै निर्वाचन क्षेत्रमा गठबन्धनको जित हुने दाबी गरेका छन् । नजिक आएको चुनाव प्रचारप्रसारमा व्यस्त राइले कुराकानी गर्दै बलियो तयारी सहित चुनावी प्रचारका कार्यक्रम बढाएकाले जनतामाझ परिचित हुँदै गएको र जित निश्चित रहेको दावी गरेका हुन् ।
चितवन निर्वाचन क्षेत्रनम्वर २ मा केन्द्रीय प्रतिनिधिका रुपमा खटिएका उनले युवा परिचालनको नेतृत्व सह्मालिरहेका छन् । निर्वाचनमा कसरी परिचालित हुने भन्नेवारे युवाहरुसँग बृहत छलफल गरेर कार्यक्रम तय भइसकेको बताउँदै राइले सो निर्वाचन क्षेत्रका २८ वटै वार्डमा जिम्मेवारी दिइसकेको बताए । गठवन्धनका पाँच दल र पाँच दलकै युवाहरु चुनावी प्रचारमा लाग्ने बताउँदै उनले जित सहज रहेको बताएका हुन् ।
अहिले युवाहरु सो क्षेत्रका वडातह र टोलस्तरमा सम्म पुगेर जनताका समस्या टिप्ने र उम्मेदवारहरुलाई जानकारी गराइ सम्वोधनको लागि आग्रह गर्ने काम भइरहेको राइको भनाई छ । अहिलेको आवश्यकता र देश विकास तथा समृद्धिका लागि गठवन्धनको औचित्य रहेको र पाँच दल मिल्दा हुने प्रतिफल चाख्न समेत जनता आतुर रहेको उनको भनाई छ । त्यसकारण पनि यो पटक चितवनका सवै निर्वाचन क्षेत्रमा गठवन्धनका उम्मेदवारहरुलाई विजय हासिल गर्ने र जनतासँग चुनावमा गरेका वाचा पूरा गर्नुका साथै चितवनको समग्र विकास र समृद्धिमा धेरै परिवर्तन आउनेगरी लाग्ने राइको भनाई छ ।