खोटाङ । खोटाङमा यात्रु बसमा एक्कासी आगोलागी हुँदा यात्रुहरुले भागेर ज्यान जोगाएका छन् ।
काठ्माडौंबाट यात्रु लिएर दिक्तेल जाँदै गरेको बा ३ ख ८९८१ नम्बरको बसमा शनिबार दिउँसो आगलागी भएको हो ।

हलेसी तुवाचुङ नगरपालिका–१ बाहुनीडाँडाको राँगाकाटेमा पुगेपछि गुडिरहेको बसमा एक्कासी आगलागी सुरु भएको थियो । बसमा आगलागी सुरु भएपछि यात्रुले भागेर ज्यान जोगाएका छन् । दशैंतिहार मनाउन घर फर्किएका करिब ४० यात्रु सवार रहेको अनुमान गरिएको छ । गुड्दागुड्दै बसमा आगो बल्न सुरु भएपछि यात्रुको भागाभाग भएको थियो ।

दशैंतिहार मनाउनका लागि ल्याइएका सामान तथा नगद जलेको प्रहरीले जानकारी दिएको छ ।