चितवन । नेपाली कांग्रेसले स्थानीय चुनावकाे नतिजाका आधारमा आगामी चुनावकाे सीट दाबी गरेकाे नेपाली कांग्रेसका नेता डा शंशाक काेइरालाले बताएका छन् । भरतपुरमा पत्रकारहरुसंग बाेल्दै उनले आगामी चुनावका लागि कांग्रेसले १०० सीट दाबी गर्नु यथार्थ रहेकाे र कम्तिमा ९५ सीट भन्दा तल नझर्ने बताएका हुन् ।
स्थानीय चुनावमा प्राप्त नतिजाका आधारमा कांग्रेसकाे दाबी रहेकाे र गठबन्धनले यसलाई स्वीकार गर्नुपर्नेमा उनकाे जाेड छ ।
कतिपय आफ्नाे अस्तित्व नै नरहेकाे ठाउँमा समेत गठबन्धनमा रहेका अन्य दलहरुले सीट दाबी गरेकाे उल्लेख गर्दै डा काेइरालाले सीट बांडफांड नमिल्दैमा गठबन्धन नताेडिने बताए । अहिलेकाे समय अन्य कुनै बिकल्पनै नरहेकाे भन्दै गठबन्धन नताेडिने उनकाे भनाइ थियाे ।