चितवन । भरतपुरमा कार र अटाे दुर्घटना हुंदा ८ जना घाइते भएका छन् ।
भरतपुर ५ बिकाश चोक स्थित भित्री सडक खण्डमा भरतपुरबाट गितानगर तर्फ आउदै गरेको ग३च ३९२२ को कार र बिपरित दिसाबाट जाँदै गरेको ना २ ह ४६५ को अटो एक आपसमा ठक्कर खाँदा अटो र कारमा सवार मानिसहरु घाइते भएका हुन् ।
जिल्ला प्रहरी कार्यालय चितवनका अनुसार अटो चालक भरतपुर २१ पार्बतिपुर बस्ने बर्ष ४० को मनराज गुरुङ, अटोमा सवार रुपन्देही भैरहवा बस्ने बर्ष ३० कि बिमला गुरुङ,बर्ष ४को आयुश शाही ,नवलपुर देवचुली १४ बस्ने बर्ष १५ कि रमिता गुरुङ, बर्ष ६ कि सरुजा सिँजालि मगर,बर्ष १४ को सरोज सिँजालि मगर घाइते भएका हुन् । उनीहरुकाे सामान्य र मध्यम अवस्थामा उपचार भइरहेकाे प्रहरीले जनाएको छ ।
त्यस्तै कारमा सवार कास्की पोखरा ४ बस्ने बर्ष ४५ कि सिता गुरुङ र सोही कारमा सवार पाेखरा १० बस्ने बर्ष ३४ कि शसि थापा पनि घाइते भइ उपचार भइरहेको छ ।
घाइतेहरुकाे पुरानो मेडिकल कलेज भरतपुरमा उपचार भइरहेकाे र फरार रहेका कार चालककाे खाेजी भइरहेको प्रहरीले जनाएको छ ।
