चितवन । नेपाल भेटेरिनरी एशोसिएसनले नेपालमा भएका बैज्ञानिकलाइ विदेशीन बाध्य पार्नेगरी विद्येक आउन लागेकाे भन्दै तुरुन्तै सच्याउन माग गरेकाे छ । यए प्रेश विज्ञप्ति जारी गर्दै देशभरका दर्तावाल पशु चिकित्सकहरुले राखेका मागहरु समेत सम्बोधन गरेर प्रस्तावित पशु स्वास्थ्य तथा पशु सेवा परिषद विधेयक अगाडि बढाउन माग गरिएको हाे ।
पटक पटक कृषि तथा पशुपन्छी विकास मन्त्रालय, संघीय संसदको कृषि सहकारी तथा प्राकृतिक श्रोत समितिमा आफ्ना मागहरु पेश गर्दै आएको र मन्त्रालयमा मस्यौदा तयारीको शुरुका केही बैठकपछि अन्य बैठकमा सरोकारवालाहरुको हुलहुज्जत, अमर्याादित प्रस्तुति हुन थालेपछि नेपाल भेटेरिनरी एशोसएसनले कृषि तथा पशुपन्छी विकास मन्त्रालयमा भएका बैठकमा केही विषयमा लिखित असहमति समेत जाहेर गरेको भएपनि जनप्रतिनिधिले गम्भीरतापूर्वक नलिएकाे आराेप लगाइएकाे छ । असहमतिका विषय कृषि सहकारी तथा प्राकृतिक श्रोत समितिमा पठाइने भनिएको तर कृषि सहकारी तथा प्राकृतिक श्रोत समितिले समेत देशको एउटा विद्धत र प्राज्ञिक समुहको न्युनतम जायज मागहरुलाई बेवास्ता गरी २०७९ श्रावण २२ मा प्रतिनिधि सभामा विधेयक पेश भएको विज्ञप्तिमा उल्लेख छ ।

समितिमा पटक पटक आफ्ना कुरालाई राख्नको लागि समय माग गरेपनि समितिले समय उपलब्ध समेत नगराएकाे, लोकतान्त्रिक मुलुकको संसदीय समिति नागरिकका आवाज समेत सुन्न तयार नभएकाे, निरंकुश तरिकाले पेलेर अगाडि बढेकाे भन्दै जनताबाट निर्वाचित माननीयहरुले आफूहरुकाे माग, अन्तराष्ट्रिय अभ्यास, नेपाल पक्षधर सम्झौता आदिलाई समेत अध्ययन गरेर विधेयकमा समितिले गरेका कमजोरीहरुलाई प्रतिनिधि सभाबाट सुधार हुने अपेक्षा गरेपनि त्याे नभएको बताइएको छ। तर मिति २०७९ साल श्रावण ३१ गते प्रतिनिधि सभामा माननीयहरुले राखेका सुझावहरुलाई समेत बेवास्ता गरी यो विधेयक पारित भएकाे र यसरी पशु स्वास्थ्य जस्तो गम्भीर विषयमा विज्ञ र प्राविधिक विच सामान्य भिन्नता समेत नदेखिने गरी विवादित विषयहरु संबोधन नगरी, द्वैध अर्थ लाग्ने गोलमटोल शब्दहरु राखी विधेयक पारित गरिएको प्रति एशोसिएसन ले गम्भीर आपत्ति प्रकट गरेकाे छ । विदेशमा रहेका दक्ष जनशक्ति स्वदेश भित्राउने नीति र वातावरण विकास गर्नुपर्नेमा दिनानुदिन वैज्ञानिक जनशक्ति पलायन हुने अवस्था सिर्जना गरिन लागेकाे भनिएको छ। विधेयकमा भएका कमजोरीलाई राष्ट्रिय सभाबाट सच्याई जायज मागहरु सम्बोधन गर्न जोडदार माग गरिएकाे छ । देशको दुर्गम तथा सुगम सबै पालिकाहरुमा पशु चिकित्सक लगायत विशेषज्ञ सेवा पुर्याउने मूल दायित्व मन्त्रीको हैसियतले आफ्नै हो भन्ने अनुभूति समेत नगरी कृषि तथा पशुपन्छी विकास मन्त्री मृगेन्द्र कुमार सिंह यादवले एशोसिएनले उठाएका जायज मागहरुको नजरअन्दाज गरी पशु स्वास्थ्य तथा पशु सेवा व्यवसायी परिषद विधेयक पेश गर्ने क्रममा गरिमामय संसदको रोष्टमबाट आफ्नो सम्मानित पदको मर्यादा र दायित्व समेत ख्याल नगरी पशु चिकित्सकहरुलाई शहर केन्द्रित भनी तथ्यहीन आरोप समेत लगाउंदै प्रतिनिधि सभाबाट उक्त विधेयक पेश गरेको र प्रतिनिधिसभाबाट पास समेत भएकोमा नेपाल भेटेरिनरी एशोसिएसनको गम्भीर असहमति र आपत्ति रहेको व्योहोरा सबैमा जानकारी गराउन चाहन्छौँ ।´ विज्ञप्तिमा भनिएको छ । यसैको विरोध स्वरुप चरणबद्धरुपमा आन्दोलनको कार्यक्रममध्य आज ५।०२ गते नेपाल भेटेरिनरी एशोसिएसन बाग्मती प्रदेश कमिटिको अग्रसरतामा बिहान चितवन जिल्लाका सम्पूर्ण पशु चिकित्सक र पशु चिकित्सा अध्ययनरत सम्पूर्ण बिद्यार्थीहरु करिब ६०० को संख्यामा पशु आस्पताल तथा बिज्ञकेन्द्र भरतपुरबाट बिरेन्द्र क्यम्पस सम्म बिरोध रयाली गरि चैबिसकोठीमा कोणसभामा यो विधेकको सन्दर्भमा बिरोध जनाउने कार्यक्रम गरेकाे छ । विधेकको सन्दर्भमा बिरोध जनाउने अरु थप कार्यक्रम सहभागी हुन एशोसिएसनले सबै सदस्यमा अपिल समेत गरेकाे छ । यसै सन्दर्भमा, आज मिति २०७९।०५।०२ गते भेटेरिनरी एशोसिएशन तथा विद्यार्थी एशोसिएसनहरुको अगुवाईमा निरंकुश तबरले विधेयकलाई पास गर्ने तबरले लागेको संघिय कृषि तथा पशुपंक्षि विकास मंत्री मृगेन्द्र कुमार सिंह यादवको पुतला दहन गर्ने कार्य भरतपुरमा योजना गरिएको थियो । कोणसभामा एशोसिएसनका अध्यक्ष डा. सुलभ श्रैष्ठले उक्त विधेयकलाई सरकारले तत्काल नसच्याए देशका सबै पशुचिकित्सकहरुले गर्दै गरेका सम्पूर्ण कार्यहरु ठप्प गरि कडा आन्दोलनको कार्यक्रमहरु लिई अघि बढ्ने चेतावनी दिएका छन् ।