चितवन । भड्किलाे गरेर तिज मनाउनेलाइ चितवन प्रशासनले कारबाही गर्ने भएको छ ।
नेपाल सरकार गृह मन्त्रालय जिल्ला प्रशासन कार्यालय चितवनले एक विज्ञप्ति जारी गर्दै महिलाहरुको महान चाड हरितालिका तिज नजिकिदै गइरहेको र विगत
केही वर्ष यता हरितालिका तिज पर्व मनाउने नाममा विभिन्न तडक भडक सहितका अत्यन्त खर्चिला कार्यक्रम गर्ने गरेकोमा यस वर्ष ती गतिविधि नगर्न आग्रह गरिएको हाे ।
विगत केही वर्ष देखि कार्यालयले त्यस्ता
भडकिला कार्यक्रम नगर्न नगराउन सूचना जारी गरेपछि यस्ता क्रियाकलापहरुमा कमी
आएको दाबी गरिएको छ ।
धार्मिक, सामाजिक तथा सांस्कृतिक पर्वहरु मनाउने सम्बन्धमा सामाजिक व्यवहार (सुधार) ऐन र नियमावली, २०३३ ले व्यवस्थित र नियमित गरेको र आफ्नो परम्परा, सामाजिक रिति रिवाजलाई निरन्तरता दिने तथा संवर्धन गर्ने बाहेक अन्य कुनै पनि खालका खर्चिला तथा महंगा तिजसंग सम्बन्धित कार्यक्रम संचालन नगर्न नगराउन सम्पूर्ण जिल्लाबासीहरुमा अनुरोध गरिएकाे हाे । सु-संस्कार
कायम गर्ने याे कार्यमा राजनीतिक दल, नागरिक समाज, पेशागत संघ संस्थाहरु,
संचारकर्मीहरु र महिला संजाल तथा सम्पूर्ण जिल्लाबासीहरुबाट सहयोगको अपेक्षा गरिएको छ । ऐन नियमको विपरित हुने गरी कोही कसैले अनावश्यक भडकिलो रुपमा तामझाम, तडकभडक र खर्चिलो हुने गरी तिज कार्यक्रमहरु गरे गराएमा कानून बमोजिम कारवाही हुने प्रमुख जिल्ला अधिकारी अस्मान तामाङले बताउनुभएको छ ।