चितवन । जिल्ला प्रहरी कार्यालय चितवनले जुवातास खेलिरहेकाे अवस्थामा १२ जनालाई पक्राउ गरेकाे छ।
भरतपुर ११ गणेशस्थान चोक स्थित सुदिप भण्डारीको घरमा जुवा खेलि रहेको भन्ने खबर प्राएकाे प्रहरीले ती व्यक्तिहरुलाइ पक्राउ गरेकाे हाे ।
साथै ३२ थान कौडा, १ बुक तास र नगद रु ३,०९,७६०।- (तिन लाख नौ हजार सात सय साठ्ठी मात्र) सहित उनीहरुलाइ नियन्त्रणमा लिई जिल्ला प्रशासन कार्यालय चितवनबाट १० दिन म्याद थप अनुमति प्राप्त गरी थप अनुसन्धान कार्य भई रहेको प्रहरीले जानकारी दिएकाे छ।
पक्राउ पर्नेहरुमा भरतपुर ११ बस्ने बर्ष २६ को सुमन भण्डारी,गोरखा भछेक ३ घर भएको बर्ष ३५ को बिष्णु बहादुर भण्डारी,भरतपुर ११ बस्ने बर्ष २६ को करण गुरुङ,भरतपुर २६ बस्ने बर्ष ४० को ईश्वर महत्तो ,भरतपुर २० बस्ने बर्ष ४१ को दिनेश दवाडी,भरतपुर ११ बस्ने बर्ष २७ को किरण लोप्चन,भरतपुर ११ बस्ने बर्ष २९ को राजेश बिक,भरतपुर १४ बस्ने बर्ष ५८ को सुरेशचन्द्र न्यौपाने ,बरतपुर १२ बस्ने बर्ष ४४ को सालिकराम रेग्मी ,भरतपुर ११ बस्ने बर्ष २६ को धन बहादुर बराल, भरतपुर ११ बस्ने बर्ष २० को सुदिप भण्डारी र भरतपुर ११ बस्ने बर्ष ४६ को दिपक श्रेष्ठ रहेका छन् ।
