चितवन । साहित्यकार तथा लेखिका शशी भट्टराईले थुनुवाहरुलाइ किताव सहयाेग गर्नुभएको छ ।
उहाँले जिल्ला प्रहरी कार्यालय चितवनकाे हिरासत कक्षमा किताव हस्तान्तरण गर्नुभएको हाे ।
जिल्ला प्रहरी कार्यालय चितवनमा अनुसन्धानको क्रममा हिरासतमा रहेका थुनुवाहरूको लागि हिरासत कक्षमा ५३ थान पुस्तक जिल्ला प्रहरी कार्यालय चितवनका कार्यालय प्रमुख प्रहरी उपरीक्षक नवराज अधिकारी मार्फत हस्तान्तरण गर्नु भएको चितवन प्रहरीले जानकारी दिएको छ ।
विभिन्न कारणले हिरासतमा आउनेहरुमा सकारात्मक साेचकाे विकास गर्न किताव हस्तान्तरण गरेकाे साहित्यकार भट्टराईकाे भनाइ थियाे । अध्ययनले मानिसलाई आफुले आफैलाइ पहिचान गर्न समेत मद्दत मिल्ने र ज्ञान बढाउन सहयाेग पुर्‍याउने विश्वास लिइएको छ ।