चितवन । दुर्घटनाको जाेखिम र आवतजावतमा समस्या हुंदा समेत मर्मतमा ध्यान नदिएर भरतपुर महानगरले लाचारीपन  देखाएपछि कालिका नगरपालिकाले भाेजाड पदमपुर सडककाे खाल्डाखुल्डी पुर्न थालेकाे छ ।
बर्षाैंदेखि समस्याग्रस्त सडक मर्मत हुन्छ भन्दै आश्वासन दिएकाे महानगरले आफ्नो क्षेत्रमा पर्ने साे सडकखण्ड मर्मतसम्भारमा चासाे नदिएको हाे । तर महानगरले काम नगरेपछि कालिका नगरपालिकाले ग्राभेल लगेर सडक सहज बनाएकाे छ । महानगरकाे क्षेत्र भएपनि जनताले सास्ती खेप्नुपरेपछि खाल्डाखुल्डी पुरेकाे कालिका नगरपालिकाले जनाएको छ।
यता भरतपुर महानगरपालिकाले भने प्रदेशबाट बजेट आउने र मर्मत हुने आश्वासन दिन अझै छाडेकाे छैन । महानगरका प्रमुख प्रशासकीय अधिकृत रामबन्धु सुबेदीले सडककाे ठेक्का लागेकाे र चांडै काम सुरु हुने दाबी गरे । फागुन चैतमै बजेट बांडेर ठेक्का लागेकाे भएपनि अझै काम भने सुरु भाछैन ।
वर्षा सकिएपछि काम सुरु हुने उनले बताए ।