चितवन । चितवनमा भएको सवारी दुर्घटनामा सात जना घाइते भएका छन् ।
हिजाे भरतपुर २९ मुग्लिन नारायाणगढ सडक खण्डको केराबारी भन्ने स्थानमा नारायणगढबाट काठमान्डौ तर्फ गई रहेको ना६ख २७७२ नम्बरको ट्रक र बिपरित दिशाबाट आई रहेको ग२च ३५१२ नम्बरको स्कार्पियो एक आपसमा ठक्कर खाएकाे चितवन प्रहरीले जानकारी दिएको छ ।
दुर्घटनामा स्कार्पियोका चालक सहित ७ जना घाईते भएका र उनीहरुकाे नयां मेडिकल कलेज भरतपुरमा उपचार भई रहेको छ । घाइते हुनेहरुमा पर्सा छप्कैया २ वस्ने वर्ष ३० की साहारा खातुन, उनकाे छोरी बर्ष ३ की अरपित खातुन, साेही ठाउँ बस्ने बर्ष ५०/५५ कि जुबिदा खातुन,पर्सा पर्सागढी गाउपालिका ५ वस्ने बर्ष २२ को अजर आलम, स्कार्पियो चालक पर्सा बिरगञ्ज १३ वस्ने बर्ष ३३ को ओम प्रकास पटेल ,पर्सा छप्कैया २ बस्ने बर्ष ६०/६२ को रामजान मिया र नामथर वतन नखुलेको ८/९ महिनाको बालक रहेका छन् ।
