गैंडाकोट । नेकपा माओवादी केन्द्रका अध्यक्ष पुष्पकमल दाहाल प्रचण्ड भाेलि भारत जाने पक्का भएकाे छ।

उनकाे छाेरी गंगा दाहालका अनुसार
भोलि असार ३१ गतेदेखि अध्यक्ष कमरेड प्रचण्डको ३ दिने भारत भ्रमण हुने भएको हाे। करिव डेढ महिना पहिले नेपालका लागि तत्कालिन भारतीय राजदूत विनय मोहन क्वात्राले प्रचण्डलाई भारतको तर्फबाट उपयुक्त समयमा भ्रमणको निम्तो दिनु भएको थियो ।
कमरेड अध्यक्षले जुलाईको दोस्रो सातासम्म भ्रमण सम्भव हुने बताए अनुसार नै भारतीय जनता पार्टीका अध्यक्ष जगतप्रकाश नड्डाले अध्यक्ष  प्रचण्डलाई भारत भ्रमणको औपचारिक निम्तो दिनु भएको हो।
अध्यक्ष कमरेड प्रचण्ड साउन १ गते आइतबार स्वदेश फर्कने तालिका रहेकाे छ ।