नवलपरासी । जिल्ला प्रहरी कार्यालय नवलपरासीले लागूऔषध सहित तीन जनालाई पक्राउ गरेकाे छ । साथै १ लाख ५४ हजार बराबरको बोका बरामद गरेकाे प्रहरीले जनाएको छ ।
  ईलाका प्रहरी कार्यालय महेशपुरबाट प्रहरी निरीक्षक सहित खटिएको टोलीले सरावल गाउँपालिका ६ बड्सारे स्थित पारसनाथ गुप्ताको घरमा  लागु औषध फेला परेकाे हाे ।  (मनोद्धिपक पदार्थ) प्याकिङ गर्दै गरेको अवस्थामा बर्ष १७ का प्रलाद कहाँर, बर्ष १८ का राजन गुप्ता र बर्ष १५ का कृष्ण मोहन सहानी समेतलाई बुप्रिनर्फिन १०० एम्पुल, फेनारगन १९७ एम्पुल र डाईजेपाम ८ एम्पुल गरी जम्मा ३०५ एम्पुल लागु औषध र बुप्रिनर्फिनको स्टिकर ९१५ थान सहित तत्काल नियन्त्रणमा लिईएको हाे। उनीहरु विरुद्ध लागुऔषध (नियन्त्रण) ऐन २०३३ बमोजिम थप अनुसन्धान कार्य भैरहेको छ ।
       साथै ईलाका प्रहरी कार्यालय बर्दघाटबाट खटिएको प्रहरी टोलीले बर्दघाट नगरपालिका ४ टीसीएन चोक स्थित पुर्व-पश्चिम राजमार्गको दक्षिण तर्फको खाली जमिनमा भारतबाट भन्सार छली अवैध रुपमा भित्र्याई लुकाई छिपाई राखेको अवस्थामा अन्दाजी १ लाख ५४ हजार मुल्य बराबरको २२ जिउदो खसी-बोका फेला पारी  आवश्यक कारबाहीको लागि महेशपुर भन्सार कार्यालय बुझाईएको पश्चिम नवलपरासी प्रहरीले जानकारी दिएको छ ।