चितवन । सामुदायिक प्रहरी साझेदारी अभियान अन्तर्गत आज भरतपुर महानगरपालिका २३ जगतपुरमा नागरिक सुनुवाई कार्यक्रम सम्पन्न भएको छ । जिल्ला प्रहरी कार्यालय चितवन र ईलाका प्रहरी कार्यालय गितानगरको आयोजनामा नागरीक सुनुवाई कार्यक्रम सम्पन्न गरीएको हो । वडा नम्बर २३ का अध्यक्ष दिपक दवाडीले अध्यक्षता गर्नुभएको थियो ।
कार्यक्रमका सहभागिले स्थानिय हरुले अत्याधिक तिब्र गतिम सवारी चलाउदा दुर्घटना बढ्ने गरेको, नदिजन्य पदार्थको अबैध उत्खनन् नियन्त्रण गर्नुपर्ने, सामाजिक अपराध न्यूनिकरण, निकुञ्ज क्षेत्रबाट जंगली जनावरले गर्ने आक्रमणबाट हुने क्षती न्युनिकरण भन्दै चासो र चिन्ता व्यक्त गरेका थिए । कार्यक्रममा उनीहरुले सचेतनामूलक विद्यालय सम्पर्क कार्यक्रम , प्रहरी ईकाईको स्थापना, विद्यालय लगायत सबै क्षेत्रमा हुने ला.औ. नियन्त्रण, यौनजन्य हिंसा न्यूनिकरण गर्ने लगायत बिषयमा ध्यानाकर्षण गराएका थिए । सो अवसरमा जिज्ञासा तथा गुनासोहरुको सम्बोधन गर्दै जिल्ला प्रहरी कार्यालय चितवनका प्रमुख प्रहरी उपरिक्षक नवराज अधिकारीले नागरीकहरु बिना बर्दीको प्रहरी भएकोले अपराध नियन्त्रणको लागि नागरिकलाई सहयोग गर्न आग्रह गरे । नागरिकले प्रहरी सँग हातेमालो गरी कानून कार्यन्वयनमा सचेत रहनुपर्ने बताए ।