चितवन । गैंडाको इग्लिस बाेर्डिङ स्कुलका प्रिन्सिपल हिरालाल अर्याल अमेरिकामा भएकाे कार्यक्रममा सहभागी हुने अवसर पाउभएकाे छ। निजी विद्यालय संचालन गरेर बालबालिकालाई फरक विधिबाट शिक्षा दिदै आइरहनुभएकाे उहाँको  हाल मोन्टाना विश्वविद्यालयमा युएस इन्स्टिच्युट फर सेकेन्डरी एजुकेटर्स प्रोग्राममा  (SUSI) भाग लिइरहनुभएकाे हाे ।
चार हप्ताकाे शैक्षिक कार्यक्रममा विभिन्न देशका शिक्षकहरूले शैक्षिक भ्रमण र शैक्षिक कार्यक्रममा भाग लिनेगर्दछन् । त्यसका साथै अमेरिकी समाज, संस्कृति, मूल्यमान्यता र संस्थाहरूको बारेमा जान्ने अवसरहरू समेत याे कार्यक्रममा प्रदान गरिन्छ ।
कार्यक्रममा सहभागी अर्यालकाे अनुभव शेयर गर्दै एम्बेस्सीले आफ्नाे फेसबुक पेजमा लेखेकाे छ  “अनुभवी वक्ताहरू, कार्यशालाहरू, र मोन्टाना विश्वविद्यालयमा फिल्ड ट्रिपहरू मार्फत, मैले माध्यमिक शिक्षाका साथ साथै अमेरिकी संस्कृतिका बारेमा पनि जानकारी हासिल गर्दैछु । यो अमेरिकी शिक्षा प्रणालीको बुझाइ विकास गर्ने उत्कृष्ट अवसर हो” ।