चितवन । चितवनको माडी नगरपालिकामा छाेराले आमाको हत्या गरेका छन् ।
जिल्ला प्रहरी कार्यालय चितवनका अनुसार  माडी ६ स्याउलिवासमा आफ्नै मकै वारीमा बर्ष ५५ की माया देवी तामाङ्लाई उहाँको  छोरा बर्ष ३६/३७ का अर्जुन तामाङ्ले पछाडीबाट धारिलो हतियार प्रहार गरी हत्या गरेका हुन् ।

उक्त स्थानमा ईप्रका माडी बाट खटिएको टोलीले धारिलो हतियार प्रहार गर्नेलाई नियन्त्रणमा लिई थप अनुसन्धान सुरु गरेकाे छ । शव घटना स्थलमा रहेकाे र थप अनुसन्धानको लागि जिल्ला बाट प्रहरी निरीक्षकको टोली समेत खटिएकाे चितवन प्रहरीले जानकारी दिएकाे छ  ।