चितवन । अन्तत सडक डिभिजन कार्यालय भरतपुरले सडक विस्तार गर्न विमानस्थल वरपरका घरटहरा भत्काएको छ । लालपुर्जा हातमा भएकाे प्रमाण देखाएर सुरक्षित वसाेवास सहितकाे क्षतिपूर्ति माग गरेका स्थानीयलाइ वेवास्ता गरी भत्काएकाे भन्दै स्थानीयले विराेध जनाएका छन् ।
उक्त स्थानमा एकल महिला समेत रहदै आएकी थिइन ।
सर्वाेच्चमा मुद्दा हुंदाहुदै भरतपुर विमानस्थल अगाडिका घर टहरा भत्काइएकाे भन्दै स्थानीय आक्राेशित छन् । सडक मापदण्डमा रहेका घरटहरा हछाउन डिभिजनले भने यस अघिनै पटक पटम सूचना जारी गरिसकेको थियाे । तर अटेर गरेपछि भत्काइएकाे सडक डिभिजनले बताएकाे छ ।
सर्वाेच्च अदालतमा मुद्दा परेपनि अन्तिम फैसला आएकाे दाबी सडककाे छ । यद्यपि स्थानीयले हातमा लालपुर्जा भएपछि सरकारले उठीवास लगाउन मिल्छ भन्दै प्रश्न गरेका छन् । सडक विस्तार विकासकाे आयाेजना भएकाले सहयाेग गर्न तयार रहेपनि लालपुर्जा भएकाे जग्गा भवनकाे क्षतिपूर्ति दिन उनीहरुले आग्रह गरिरहेका थिए । सडकले भने पुर्व पश्चिम सडक विस्तारका क्रममा तथा त्यसपछिका दिनमा पनि मापदण्ड कायम गरेर क्षतिपूर्ति दिइसकेकाे दाबी गर्दै आइरहेकाे छ । हातमा लालपुर्जा भएकाे बारे भने लगत कट्टा गर्न बांकी रहेकाे सडक डिभिजनले बताए पनि स्थानीयले भने क्षतिपूर्ति नै नपाएको बताउँछन् ।
अहिले पुल्चोक देखि गाेन्द्राङ सडक विस्तारकाे कार्य चलिरहेकाे छ ।
