चितवन । हावाहुरीले सीमलको रुख ढल्दा चितवनको पदमपुर सामुदायिक वनमा रहेको मौरीमा ठूलो क्षती पुगेको छ ।
रुखले अमगाइ मौरी फर्ममा क्षती पुर्याएको हो । नेपाल मौरी पालक महासंघका केन्द्रीय सदस्य समेत रहनुभएका प्रोपाइटर पदम प्रसाद अमगाइका अनुसार फर्ममा रहेका करिव ३० घार पूर्णरुपमा क्षतीग्रस्त भएको हो ।

उहाँका छोरा अमृतका अनुसार करिव ३ लाख बरावरको क्षती भएको छ । अवको दुई महिनामा मह काढ्ने तयारी भइरहदा भएको क्षतीले आफूहरु मारमा परेको उहाँको भनाई छ । मौरीको बीमा समेत नभएको र प्रकृतिले पुर्याएको क्षतीमा स्थानीय तहले मलम लगाइदिन उहाँको आग्रह छ । स्थानीय तहले नयाँ घारहरु सहयोग गरिदिए वाँकी भएका मौरीलाई थप व्यवस्थापन गर्न सहज हुने उहाँको भनाई छ ।
महबाट चितवनको कृषिमा थप टेवा पुर्याउँदै आउनुभएका उहाँहरुले मौरी पालन गरेको करिव १७ वर्ष भयो । यतिका लामो समय यो नै सवैभन्दा ठूलो क्षती रहेको उहाँको भनाई छ ।

२ घारबाट मौरी पाल्न सुरु गरेर अहिले २१८ घारसम्म आइपुगेपनि क्षतीले आफूहरु हतोत्साहित वन्न पुगेको अमगाइले बताउनुभयो ।
मौरीको महको व्यापार समेत घटेर नोक्सानी बेहोरिरहदा प्रकृतिले निम्त्याएको क्षतीले थप पीडामा रहेको उहाँले बताउनुभयो । बजारीकरणमा सहजीकरण नहुँदा अहिलेपनि करिव ७ लाखको मह स्टकमा रहेको र त्यही माथि प्राकृतिक विपत्तीले क्षती पुर्याउँदा आफूहरु मारमा परेको उहाँको भनाई छ ।

किसान भएकाले स्थानीय तहबाट क्षतीमा मलम लगाइदिन उहाँले आग्रह गर्नुभएको छ ।
भएको क्षतीवारे कसैलाइ दोष दिन नमिलेपनि स्थानीय तहबाट घार सहयोग प्राप्त भए पहिलेकै अवस्थामा पुग्न सकिने आशा आफूमा रहेको उहाँको भनाई छ ।