चितवन । ट्राफिक प्रहरी, सरोकारवाला लगायतले पटक पटक सडक सुधारका लागि सुझाव दिएपनि कार्यान्वयन नहुँदा चितवनमा सवारी दुर्घटनाबाट मृत्यु हुनेको संख्यामा कमी आउन सकेको छैन ।
राजनीतिको केन्द्रविन्दु जस्तै विभिन्न क्षेत्रको चाप परिरहेको जिल्लामा ट्राफिक सुरक्षाको अवस्था भने डरलाग्दो हुँदै गएको हो । कतिपय प्राकृतिक विपत्तीबाट जोगिन नसकेपनि व्यक्ति स्वयम समेत सचेत हुँदा कमी ल्याउन सकिने भएपनि खासै चासो नदिएको देखिन्छ । जसका कारण अनाहकमा मानिसहरुले ज्यान गुमाइरहेका छन् ।
जिल्ला ट्राफिक प्रहरी कार्यालय चितवनले दिएको जानकारी अनुसार चालु आर्थिक वर्ष २०७८÷०७९ को अन्त्यसम्म अर्थात श्रावण देखि जेष्ठ मसान्त सम्मा जिल्लाका भएका सवारी दुर्घटनामा परी १३० जनाले ज्यान गुमाएका छन् । असार महिनाको तथ्याङ्क भने आउन बाँकी नै छ । मृत्यु हुनेमा ९७ जना पुरुष,२१ जना महिला, ११ जना बालक र १ जना बालिका छन
।
प्रहरीका अनुसार सवैभन्दा धेरै असोज महिनामा भएको सवारी दुर्घटनामा परी मृत्यु हुनेको संख्या बढी छ । जहाँ १५ जना पुरुष, २ महिला र ३ बालक गरी २० जनाले ज्यान गुमाएका छन् ।
त्यस्तै चैत महिनामा १२ जना पुरुष,४ महिला गरी १६ जनाको मृत्यु भएको छ भने ९ पुरुष र २ महिला गरी श्रावणमा ११ जना, ५ पुरुष र २ बालक गरी भाद्रमा ७ जना, ७ पुरुष, ३ महिला गरी कार्तिकमा १० जना, १० पुरुष २ महिला गरी मंसिरमा १२ जना, ८ पुरुष २ महिला र १ बालिका गरी गरी ११ जना पुषमा, ८ पुरुष २ महिला र २ बालक सहित माघमा १२ जना, ८ पुरुष,२ महिला र ३ बालक सहित फागुनमा १३ जना, ७ पुरुष १ बालक सहित वैशाखमा ८ जना, ८ पुरुष २ महिला सहित जेष्ठमा १० जनाको मृत्यु भएको तथ्याङ्खले देखाएको छ ।
यो अवधिमा ७३८ सवारी साधन दुर्घटना भएका छन । सवैभन्दा धेरै ३७० वटा मोटरसाइकल दुर्घटनामा परेका छन् । त्यसपछि जीपकार १०० वटा,ट्रक ट्याकर ९६ वटा, बस ५४ वटा, माइक्रो १६ वटा लगायत अन्य सवारी छन् ।
सवैभन्दा धेरै चैतमा दुर्घटना भएका छन् । जहाँ ८२ वटा सवारी संलग्न देखिन्छन् ।
दुर्घटनामा परेर २४३ जना गम्भिर र ६४९ जना सामान्य घाइते भएका छन् । गम्भिर घाइतेहुनेहरुमा १७३ जना पुरुष,४७ जना महिला, १४ जना बालक र ९ जना बालिका छन् । त्यस्तै सामान्य घाइतेतर्फ ४३१ जना  पुरुष,१६७ जना महिला, २७ जना बालक र २४ जना बालिका रहेका छन
।
चितवनमा हुने सवारी दुर्घटनाबाट यो अवधिमा करिव ४ करोडको सवारी साधन नोक्सान भएको जिल्ला ट्राफिक प्रहरी कार्यालयले जानकारी दिएको छ ।