चितवन,जेठ ३० ।  भरतपुरको अस्पताल रोडमा अबदेखि एकतर्फी मात्रै पार्कीङ गर्न पाइने भएको छ । भरतपुरको अति व्यस्त सडकको रुपमा रहेको अस्पताल रोडलाई आजदेखि ट्राफिक संकेतका बोर्डहरु राखेर माइकिङ गरिएको छ ।

जिल्ला ट्राफिक प्रहरी कार्यालय चितवनका अनुसार टोलविकास संस्थासंगको सहकार्यमा एकतर्फी पार्किङको सुरुवात र सडकपेटी अतिक्रमण गरेर राखेका सामान हटाइएको हो । सो क्षेत्रलाई व्यवस्थित गराउन आजदेखि लगाइएको नियम उल्लंघन गरे कारवाही गर्ने ट्राफिक प्रहरीले चेतावनी दिएको छ ।