चितवन । गत चैत १ गतेदेखि स्थापना भएकाे जिल्ला कृषि गणना कार्यालय चितवन १० वर्षका लागि बन्द हुंदैछ ।

सातौं राष्ट्रिय कृषि गणना २०७८ सफल पार्न स्थापना भएकाे कार्यालयले काम सम्पन्नकाे अन्तिमचरणमा रहेसंगै असार १ गतेदेखि  बन्द हुनेभएकाे हाे ।
कृषि गणना सफल पार्न चितवन जिल्लामा खटिएका २० जना सुपरिवेक्षक र ६६ जना गणकहरुले स्थलगत तथ्यांक संकलनको कार्य सम्पन्न गरी कार्यालयमा आवस्यक कागजात बुझाईसकेका छ्न् ।
जेठ २६ गते प्रमुख जिल्ला अधिकारी को अध्यक्षतामा जिल्ला कृषि गणना समन्वय समितिको बैठक बसेर कृषि क्षेत्रसंग सम्बन्धित सरोकारवालाहरु, स्थानीय तह सहजीकरण समिति, संचार क्षेत्र,गणक तथा सुपरिवेक्षक लाई
धन्यवाद दिंदै बैठक समापन गरिएको थियाे ।
सो बैठकका सदस्य सचिब जिल्ला कृषि अधिकृत यज्ञमूर्ति भन्डारीले गणनाको कार्य प्रगतिबारे विस्तृतमा जानकारी गराउनुभएकाे थियाे ।
हरेक १०/१० वर्षमा गरिने गणना याे पटक स्थानीय चुनावसंगै गणना गरिएकाे हाे । चुनावका कारण गणनामा चुनाैती हुने सम्भावना रहेकाे भएपनि चितवनमा भने कृषकहरुकाे सक्रिय सहभागिताले अभियान विना अवराेध सम्पन्न भएकाे भण्डारीले बताउनुभयाे ।
अहिले संकलित तथ्यांककाे नतिजा २ चरणमा सार्वजनिक हुनेछ ।  प्रारम्भिक नतिजा असोज भित्र र अन्तिम नतिजा आउन करिब १ बर्ष लाग्ने भण्डारीले जानकारी दिनुभयाे ।
कार्यालयले गणक तथा सुपरिवेक्षकहरुलाई  अनुभवको प्रमाण पत्र समेत बितरण गरिरहेको छ ।