चितवन । जिल्ला प्रहरी कार्यालय चितवनले अनिल परियारकाे हत्यामा संलग्न आराेपमा तीन जनालाई पक्राउ गरेकाे छ ।
बैशाख २५ गते सांझ करिव ७:३० बजेको समयमा भरतपुर महानगरपालिका ७ कृष्णपुर स्थित पंचेश्वर नगर प्लटिङ्गको भित्री पक्की पिच सडकमा मोटरसाईकलमा आएका व्यक्तिहरूले काने भन्ने अनिल परियारलाई धारिलो हतियार प्रहार गरी कर्तव्य गरी हत्या गरेको घटना सम्बन्धमा यस कार्यालयबाट अनुसन्धान भइरहेकोमा मृतकको आफन्तबाट परेको किटानी जाहेरी दरखास्त पश्चात पक्राउ गरिएको प्रहरीले जनाएको छ ।
चितवन प्रहरीका प्रवक्ता डिएसपी नरहरि अधिकारीका अनुसार भरतपुर महनगरपालिका १५ बस्ने करिव बर्ष ३५ का बिश्व भन्ने हेमन्त बास्तोलालाइ काठमाण्डौबाट, भरतपुर महनागरपालिका १२ बस्ने बर्ष २३ का राहुल पारियारलाइ चितवनबाट, माडी नगरपालिका घर भई हाल भरतपुर १५ मा डेरा गरी बस्ने बर्ष २५ का रोहित सिलवाललाइ चितवनबाट पक्राउ गरिएको हाे ।
चितवन जिल्ला अदालतबाट पक्राउ अनुमति लिएर जेठ २४ गते पक्राउ गरिएको र २५ गते चितवन जिल्ला अदालतबाट पक्राउ मितिबाट लागू हुने गरी प्रहरी हिरासतमा राखी अनुसन्धान गर्न म्याद अनुमती लिई अनुसन्धान कार्य भइरहेको उहाँको भनाइ छ।
साथै उक्त घटनामा संलग्न अन्य व्यक्तिहरुको पहिचान तथा खोजि कार्य भइरहेको अधिकारीले बताउनुभयो ।
