काठमाडौं, २६ जेठ । नेकपा एमालेका सांसद कृष्ण बहादुर राईले काठमाडौं महानगरपालिकाका प्रमुख बालेन्द्र शाहलाई एमालेले पूर्णरुपले सहयोग गर्ने प्रतिबद्धता व्यक्त गर्नुभएको छ ।

बिहीबारको प्रतिनिधि सभा बैठकको सून्य समयमा बोल्दै उक्त प्रतिवद्धता जनाउनुभएकाे हाे।

‘भर्खर निर्वाचित भएर आएको बालेन शाहलाई म भन्न चाहन्छु– हिजो विद्या सुन्दर शाक्यलाई असहयोग गर्ने उपप्रमुख जस्तै आज उपप्रमुखको रुपमा विजय हासिल गर्नुभएको सुनिता डंगोलले तपाईलाई असहयोग गर्नेछैन,तपाईँलाई हामी पूर्ण रुपले सहयोग गर्न चाहन्छौं । तर बालेन शाहले संयता अपनाएर अगाडि बढ्न जरुरी छ ।’

फोहोर मैलाले काठमाडौं वासीलाई अत्यन्तै अफ्ठेरो पारेको बताउदै काठमाडौंको फोहोर नउठ्दा सिंगो देशलाई प्रभावित बनेको उहाकाे भनाइ थियाे ।