चितवन । जिल्ला प्रहरी कार्यालय चितवनले जबर्जस्ती करणी गरेकाे आराेपमा एक व्यक्तिलाइ पक्राउ गरेकाे छ । चितवन प्रहरीका प्रवक्ता डिएसपी नरहरि अधिकारीका अनुसार चितवन खैरहनीकी एक महिलालाई जबर्जस्ती करणी गरेकाे आराेपमा मकवानपुर जिल्ला  हेटौडा उपमहानगरपालिका ९ चौधघरे बस्ने करिव ४५ बर्षका पुर्ण घलान पक्राउ परेका हुन् । युवती काठमाडौंमा मजदुरी गर्दै आएकी थिइन् । काठमाडौंबाट राप्ती १ पिप्लेमा भाउजुकाे घर  आउनेक्रममा २०७८ चैत १० गते रातको समयमा भण्डारा बजारमा बसबाट ओर्लिएपछि  घलानले ‘पिप्ले टाढा पर्छ, आज जान भ्याईदैन, म भोली बिहानै पुर्याई दिन्छु भनि ललाई फकाई गरी राप्ती ६ आदर्शटोल स्थित माछापोखरीमा रहेको आफु बस्ने गरेको घर कटेरोमा पुर्याई घलान र अन्य २/३ जना समेत भएर पालै पालो सामुहिक रुपमा जवरजस्ती करणी गरेको र  सो पश्चात समेत युवतीलाई  सोही घरमा राखी पटक पटक जवरजस्ती करणी गर्ने गरेको ‘प्रहरीले जनाएको छ । 
पीडित नन्दको स्वास्थ्यमा समस्या देखिएपछि पुर्ण घलानले स्थानिय मानिसहरुको सहयोगमा नन्दलाई अस्पतालमा लगी उपचार समेत गराई २०७९ जेठ २० गतेका दिन पुर्ण घलानले भाउजुकाे घर सम्म पुर्‍याएर छाेडेपछि घटना बाहिरीएकाे हाे ।
कानून बमोजिम कारवाहीकाे माग गर्दै  पीडितको भाउजुले २०७९ जेठ२४ गते किटानी जाहेरी दिनुभएको थियाे । ईलाका प्रहरी कार्यालय खैरहनीमा जाहेरीपछि  घलानलाई पक्राउ गरि जवरजस्ती करणी शिर्षकमा मुद्दा दर्ता गरी आज जेठ २५ गते पक्राउ मितिबाट नै लागू हुने गरि म्याद थपकाे अनुमति पाउन अदालत पठाई थप अनुसन्धान भईरहेको डिएसपी अधिकारीले जानकारी दिनुभयाे । अन्यकाे समेत खाेजी भइरहेकाे उहाँको भनाइ छ।