चितवन । चितवनमा एकै पटक तीन सवारी दुर्घटना भएकाे छ । हिजाे करिव ६ बजेर ४५ मिनेटमा कार,मोटरसाइकल र ट्याङर ठक्कर खाएको हाे ।
जिल्लाकाे ईच्छाकामना गाउपालिका ४ रमाईलो डाँडा स्थित पृथ्वी राजमार्गमा  काठमाण्डौबाट मुग्लिङ् तर्फ आउदै गरेको प्रदेश ३ -०१-०२३ च  ५०७४  नम्बरको कारलाई सोहि दिशाबाट आउदै गरेको बा ७५ प ६११६ नम्बरको  मोटरसाइकलले ओभरटेक गर्ने क्रममा कारको पछाडी पट्टिको साईड लाईटमा ठक्कर खाई बिपरित दिशाबाट आउँदै गरेको  ना ७ ख १३७१ नम्बरको तेल ट्याङ्करमा ठक्कर खाँदा मोटरसाइकल चालक गोर्खा शहिद लखन गाउपालिका ४ बस्ने बर्ष करिव २२/२३ का सन्तोष चेपाङ्को घट्ना स्थलमै मृत्यु भएको चितवन प्रहरीले जानकारी दिएकाे छ ।

दुर्घटना पछि  स्थानियले दुबै तर्फी अबरोध गरेको सडक प्रहरीले खुलाएकाे छ । ठक्कर दिने ट्याङकर, ट्याङ्कर चालक, कार र कार चालक प्रहरीको नियन्त्रणमा रहेकाे र  उक्त शवको घटनास्थल तथा लास जाँच मुचुल्काको कार्य सम्पन्न पश्चात् पोष्टमार्टमको लागि भरतपुर सरकारी अस्पतालमा राखिएको चितवन प्रहरीका प्रवक्ता डिएसपी नरहरि अधिकारीले जानकारी दिनुभयाे ।