चितवन । चितवनमा कृषि गणनाकाे स्थलगत कार्यसम्पन्न भएकाे छ । केन्द्रीय तथ्यांक विभागकाे तालिका अनुसार चितवनमा कृषि गणनाको स्थलगत कार्य सकिएकाे जिल्ला कृषि गणना अधिकृत यज्ञमुर्ति भण्डारीले जानकारी दिनुभयाे ।
२०७९ बैशाख ६ गते देखि शुरु भएको गणना आज २०७९ जेष्ठ १९ गते सकियेको हो । गणक तथा सुपरीवेक्षकहरुले स्थलगत तथ्यांक संकलनकाे कार्य सम्पन्न गरेर आवश्यक कागजात कार्यालयमा बुझाइरहेका छ्न ।निर्वाचनका बेला समेत कृषि गणनाको तथ्याङ्क सकलन कार्यमा कुनै कठिनाइ नभएको भण्डारीले जानकारी दिनुभयाे ।
कृषकहरुले सत्य तथ्य विवरण दिएर अभियान सफल पार्न सहयाेग गरेकाे भन्दै कार्यालयले सरोकारवाला, उत्तरदाता, गणक तथा सुपरिवेक्षकलाई धन्यवाद दिएकाे छ । कार्यालय प्रमुख भण्डारीले चुनावकाे माहाेलमा पनि कार्यक्रम सफल भएकाे बताउदै गणनाका अन्य आन्तरिक कार्यलाई तीव्रता दिइरहेकाे जानकारी दिनुभयाे ।