चितवन । चितवनमा ग्यास बाेकेकाे गाडीमा आगलागी भएकाे छ । जिल्ला प्रहरी कार्यालय चितवनले दिएकाे जानकारी अनुसार एलपी ग्यास बुलेटमा आगो लागी भएको हाे ।
दिउसाे १२:५० बजेको समयमा भरतपुर २९ पन्ध्रकिलो स्थित मुग्लिन नारायणगढ सडक खण्डमा नारायणगढबाट मुग्लिन तर्फ जादै गरेको UP17AT8627 नम्बरको एलपी ग्यास बुलेटमा अचानक आगोलागी भएको हाे ।
खबर प्राप्त हुना साथ प्रहरी चाैकीजुगेडी, ईप्रका मुग्लिनबाट र जिल्ला प्रहरी कार्यालय बाट समेत प्रहरी टोली खटिएर नेपाली सेना र दमकलको सहयोगमा १३:३५ बजेको समयमा नियन्त्रणमा आएको हाे ।बुलेटको क्याविन र अगाडिको टायर जलेको तर मानविय क्षति नभएको प्रहरीले जनाएको छ । चांडै आगाे नियन्त्रणमा ल्याउन सकेका कारण ग्यासमा कुनै क्षती भएकाे छैन ।अवराेध समेत भएको बाटाे २ बजेदेखि सुरु भएकाे र उक्त ग्यास बुलेट भारतको उडिसा स्थित पैरवी ग्यास कम्पनिबाट धादिङ स्थित श्रीराम ग्यास उद्योगको लागि ग्यास बोकेर आएको चितवन प्रहरीले जानकारी दिएकाे छ । अन्य अनुसन्धान भईरहेको प्रहरीले जनाएको छ ।
