गैँडाकोट । नवलपुरको गँैडाकोटमा अहिलेसम्म ६ सय मत गणना भएको छ । गैँडाकोट १ र १८ मा खसेको मत गणना भइरहेको हो । मतगणनाको सुरुवात नै यीनै मतबाट गरिएको थियो । अहिले पनि गणना जारी छ ।
निर्वाचन अधिकृत दीपशिखा मुनाकमीका अनुसार गैँडाकोट १ मा ४ हजार ५५९ मतदाता रहेकोमा ३ हजार १६३ मत खसेको थियो । जसको ३०० मत गणना सकिएको छ । त्यस्तै गैँडाकोट १८ मा १६०२ मतदाता रहेकोमा १ हजार १०१ मत खसेको थियो । यहाँको पनि ३०० मत गनेर सकिएको छ ।
गैँडाकोट १ को ३ सय मत गनेर सक्दा
काँग्रेसबाट मेयरका उम्मेदवार मदनभक्त अधिकारीले १६८ मत प्राप्त गर्नुभएको छ भने नेकपा एमालेबाट मेयरका उम्मेदवार छत्रराज पौडेलले ९० मत पाउनुभएको छ । त्यस्तै यही वार्डबाट नेपाली काँग्रेसबाट उपमेयरको उम्मेदवार शान्ति कोइरालाले १५९ मत पाउँदा राप्रपाबाट उपमेयरका उम्मेदवार तुलाराम पौडेलले २९ मत पाउनुभएको छ ।
त्यस्तै वडाअध्यक्षतर्फ काँग्रेसबाट उम्मेदवार रहनुभएका सुरेन्द्र प्रसाद रेग्मीले १५२ मत ल्याउँदा नेकपा एमालेबाट उम्मेदवार रहनुभएका ध्रुवप्रसाद अधिकारीले १२१ मत प्राप्त गर्नुभएको छ ।
त्यस्तै गैँडाकोट १८ बाट काँग्रेसका मेयर उम्मेदवार अधिकारीलाई १७२ मत प्राप्त भएको छ भने नेकपा एमालेका उम्मेदवार पौडेललाई ३७ मत, मंगोल नेशनल पार्टीका मेयर उम्मेदवार विष्णुमान विकलाई ७९ मत प्राप्त भएको छ । उपमेयरतर्फ काँग्रेस उम्मेदवार कोइरालालाई १७८ मत, राप्रपा उम्मेदवार पौडेललाई १० र मंगोल नेशनल पार्टीका उम्मेदवार देउमाया थापालाई ९८ मत प्राप्त भएको छ ।
वडाअध्यक्षतर्फ भने नेपाली काँग्रेसका उम्मेदवार तिल बहादुर चितौरेले १८५ मत पाउँदा मंगोल नेशनल पार्टीका उम्मेदवार चुमान सिँह चितौरे मगरले १०५ मत प्राप्त गर्नुभएको छ ।
यसरी दुई वार्डको हालसम्मको प्राप्त मत अनुसार ६०० गणना हुँदा काँग्रेसबाट मेयरका उम्मेदवार मदन भक्त अधिकारीले ३४० मत पाउँदा नेकपा एमालेबाट मेयरका उम्मेदवार छत्रराज पौडेलले १२७ मत पाउनुभएको छ ।
उपमेयरमा काँग्रेसका उम्मेदवार शान्ति कोइरालाले ३३७ मत पाउँदा राप्रपाबाट उपमेयरका उम्मेदवार तुलाराम पौडेलले ३९ मत ल्याउनुभएको छ।
