कल्नपना कुवर,वलपुर, बैशाख २२ गते । नेपाली कांग्रेसका महामन्त्री विश्व प्रकाश शर्माले याे चुनावबाट पार्टी देशैभर पहिलाे बन्ने बताउनु भएकाे छ । कांग्रेस स्पष्ट नीति,याेजना र कार्यक्रम सहित जनतामाझ पुगेकाे भन्दै याे पटक जनताले जिताएर पहिलाे पार्टी बनाउने दाबी गर्नुभएको हाे ।

नजिकिदै गरेको स्थानीय तह निर्वाचनको लागि जम्मा अब ८ दिन मात्र बाकी हुंदा आज पूर्वी नवलपरासीको हुप्सेकोट गाँउपालिकामा पालिका अध्यक्षका उम्मेदवार लक्ष्मी पाण्डेको घोषणा पत्र सार्वजनिक गर्दै उहाँले याे समय आफूले गरेका र गर्न नसकेका दुवै काम सहित जनातामाझ जान आग्रह गर्नुभयाे ।
आफूले गरेका गल्ती कमिकमजोरी गरेको भए आत्मालोचना गर्दै विगतमा आफूले गरेका विकाशका योजना मतदाता समक्ष राख्ने र जनताले उठाएका प्रश्नहरुको जवाफ दिने बेला रहेको उहाँको भनाइ थियाे ।

चुनावी दौरानमा उमेदवारहरुमाथि अनेकन बाधा ब्यवधान आउन सक्नेतर्फ  चासो नराखी चुनाव केन्द्रित हुनुपर्ने बताउंदै बैशाख ३० गते हुने चुनावले त्यस्ता गलत प्रवृतिलाइ बढारेर लाने उहांले बताउनु भयो । तर चर्को आवाजले होच्याउने हेप्ने ब्यवहार हुन्छ भने त्यो नेपाली कांग्रेसलाइ स्वीकार्य नहुने शर्माकाे भनाइ थियाे ।

शर्माले अबको दिनमा युवा पुस्ताले हरेक दललाई प्रश्न गर्नु पर्ने अवस्था आएको भन्दै किन भोट हाल्ने म राजनितिमा छैन नभन्न आग्रह सहित चुनाव भनेकाे न्याय गर्ने माध्यम रहेकाे र कसैले गलती गरेको छ भने सजाय दिने समय समेत भएकाे उहाँको भनाइ थियाे
।
“न्यायधीशले न्यायलयमा बसेर न्याय दिदै गर्दा राजनीति  गरेको होईन आफ्नो जिम्मेवारी पुरा गरेको हुन्छ , लोकतन्त्रमा जनता भन्दा ठूलो न्यायधीश छैन र जनता भन्दा ठूलो न्यायालय छैन,”उहाँले भन्नुभयाे ।

“आजको युगमा युवाको दायित्व भनेको सही पार्टि  सहि उम्मेदवार छानेर भाेट हाल्नु हो ।’’