चितवन । जिल्लाकाे भरतपुर महानगरपालिका ३ कमलनगरमा भीषण आगलागी भएकाे छ।
जिल्ला प्रहरी कार्यालय चितवनका प्रवक्ता नरहरि अधिकारीका अनुसार रातकाे २ बजेदेखि तुल्सीराम सापकाेटाकाे चार तल्ले घरमा भएकाे आगलागी बिहान सात बजेमात्र नियन्त्रणमा आएकाे हाे ।
प्रहरीका अनुसार घरको पहिलो तल्लामा विभिन्न ब्यक्तिहरुले संचालन गरेको दुर्गा इलेक्ट्रोनिक पसल, कृष्ण सप्लायर्स फेशन जुत्ता चप्पल र कपडाको गोदाम लगायतमा अचानक आगोलागि भएको हाे ।
कराेडाैंकाे क्षती भएकाे आंकलन गरिएकाे छ।
अहिले वडा प्रहरी कार्यालय, नारायणघाट र जिल्ला प्रहरी कार्यालय, चितवनबाट प्रहरी टोली, नेपाल प्रहरी, नेपाली सेना, शसस्त्र प्रहरी, स्थानिय व्यक्तिहरु र भरतपुर महानगरपालिकाबाट १, खैरहनी नगरपालिकाबाट २ र नेपाली सेनाको १ गरि जम्मा ४ वटा दमकलको सहयोगमा आगो निभाउने कार्य भएकाे हाे । क्षतिको विवरण आउन बाँकि रहेको प्रहरीले जनाएकाे छ।
हालसम्म बिष्णु प्रसाद लामिछानेकाे पसल एक्सप्रेस मोबाईल पसल, बिष्णु आचार्यकाे दुर्गा ईलेक्ट्रोनिक पसल, बसन्त कार्कीकाे श्री कृष्ण सप्लायर्स, शंकर सापकोटाकाे जुत्ता पसल,बासुदेव आचार्यकाे फेन्सी पसल र सुर्यमणि लामिछानेकाे दियालो फेन्सी पसलमा आगाेले क्षति पुर्याएकाे छ।
