चितवन । चितवनमा ट्रिपर,बस र कार ठक्कर खांदा दर्जबढी मानिस घाइते भएका छन् ।
भरतपुर महानगरपालिका २९ मा  नारायणगढ मुग्लिन सडक खण्डको भतेरी जंगलमा नारायणगढबाट मुग्लिन तर्फ आई रहेको ना ७ ख २३०० नम्बरको ट्रिपर, पोखराबाट नारायणगढ तर्फ आई रहेको ग १ ख ९३०३ नम्बरको यात्रुबाहक बस र बीएए ०६८४ नम्बरको कार ठक्कर खांदा बस र कारमा सवार २६/२७ जना घाईते भई उपचारको लागि भरतपुर तर्फ लगिएको चितवन प्रहरीका प्रवक्ता नरहरि अधिकारले जानकारी दिनुभयाे । बाटो अबरोध भएकोमा  उक्त स्थानमा प्रहरी चाैकी जुगेडी, ईप्रका मुग्लिन र वडा प्रहरी नारायणगढबाट खटिएको टाेली खटिएर बाटाे खुलेकाे छ।
घाइतेहरुकाे पुरानो मेडिकल कलेज भरतपुर,नयां मेडिकल कलेज र भरतपुर अस्पतालमा उपचार भइरहेकाे छ । घाइतेहरुकाे  अवस्था सामान्य र मध्यम रहेकाे छ।