चितवन । आगामी स्थानीय तहकाे निर्वाचन आउन एक महिना भन्दा कम बांकी हुंदा जिल्ला प्रहरी कार्यालय चितवनले छलफल तथा अन्तरक्रिया कार्यक्रम गरेकाे छ । जिल्लामा नयां प्रहरी अधिकृतहरु समेत सरुवा भएर आएकाे र जिल्लाकाे बस्तुस्थितिबारे साे अवसरमा जानकारी गराईएकाे चितवन प्रहरीले जनाएको छ ।
प्रहरीले अहिले म्यादीमा छनाैट भएका व्यक्तिहरुलाई समेत तालिम दिईरहेकाे छ।
त्यस्तै जिल्लामा संवेदनशील मतदान केन्द्र र मतदान स्थल समेत पहिचान  भइसकेकाे सन्दर्भमा निर्वाचनलाई भयरहित, शान्तिपूर्ण तवरमा सम्पन्न गर्ने लगायतका विषयमा छलफल भएकाे बताईएकाे छ ।
प्रहरी  कार्यालय तथा मातहत प्रहरी ईकाईका सम्पूर्ण युनिट प्रमुखहरुको उपस्थिती रहेकाे थियाे ।
निर्वाचनमा सुरक्षाव्यवस्था कमीहुन नदिन  कार्यालय प्रमुख प्रहरी उपरीक्षक नवराज अधिकारीले निर्देशन खिनुभयाे ।
साथै उक्त अन्तरक्रिया कार्यक्रममा बिभिन्न कार्यालयबाट सरुवा भई कार्यालय तथा मातहत प्रहरी कार्यालयहरुमा हाजिर हुनु  भएका प्रहरी नायव उपरीक्षक तथा प्रहरी निरीक्षकहरुलाई स्वागत समेत गरिएको चितवन प्रहरीले जानकारी दिएकाे छ ।