काठमाडौं : उच्च शिक्षा अध्ययनका लागि चितवन  जिल्लाको  भरतपुर  घर भै अस्ट्रेलियामा पढ्न गएका नेपाली  विद्यार्थी धिराज रानाभाटको निधन भएकोले शव नेपाल ल्याउन सहयोग कोष स्थापना गरिएको छ ।

उहांकाे शव १९ अप्रिल २०२२  को दिन आफ्नै कोठामा भेटिएको थियो ।`असामाहिक निधनबाट स्तब्ध घर परिवार र मृतकको शव  नेपालसम्म पुर्याउन हामीले कोष खडा गरेका हौँ ´  कोषका संस्थापक सबिन बस्नेतले भन्नुभयाे ।
सहयोग रकम देभेन्द्र काफ्ले ( मृतकको  नजिकको आफन्त ) को बैंक खातामा सिधै जाने उहाँको भनाइ छ । काफ्ले ले नै परिवारसम्म मृतकको शव र संकलन भएको रकम हस्तान्तरण गर्ने  बताईएकाे छ ।

करिब  २०  हजार  अस्ट्रेलियन  डलर उठाउने लक्ष्य  राखेको यस कोषमा यो समाचार तयार पार्दासम्म  ८  हजार ३  सय  २०  डलर  ( $8,320 ) जम्मा भैसकेको छ । एक नेपाली विद्यार्थीको असमाहिक निधनको दु:खद घडिमा उहांको आत्माको शान्तिको कामना गर्दै दुखमा रहेकाे परिवार प्रती हार्दिक समबेदना प्रकट गरिएकाे छ ।