काठमाण्डौँ । नेकपा एमालेले आगामी स्थानीय चुनावका लागि घोषणा पत्र अनुमोदन गरेको छ । केपी शर्मा ओलीको निवास बालकोटमा सोमबार साँझ बसेको सचिवालय बैठकले घोषणा पत्र तयारी मस्यौदा समितिले पेश गरेको घोषणापत्र अनुमोदन गरेको छ ।
अनुमोदन गरिएको घोषणा पत्र नेपाल कम्युनिष्ट पार्टी स्थापना दिवसको अवसर पारेर वैशाख ९ मा सार्वजनिक गरिने भएको छ ।
बैठकले स्थानीय जनप्रतिनिधिका लागि सिफारिस भएकाहरुको नाम प्रतिनिधिसभा, राष्ट्रियसभाको समानुपातिक सूचीबाट हटाउन निर्वाचन आयोगलाई पत्र लेख्ने निर्णय समेत गरेको छ ।
साथै घोषित स्थानीय तहको निर्वाचन सार्ने षड्यन्त्र सरकारले गरेको आभाष भएको भन्दै त्यसको कडा प्रतिवाद गर्ने र चुनावी तयारीमा निरन्तर लाग्न नेता कार्यकर्तालाई निर्देशन समेत दिइएको छ ।
१२ वटा विभाग गठन, सल्लाहकार परिषद्मा १०५ जना थप २७८ बनाउने र सम्पर्क समन्वय कमिटीमा ५१ जना मनोनयन गर्ने निर्णय भएको छ ।
