चितवन । राप्रपाका केन्द्रीय अध्यक्ष राजेन्द्र लिङ्देनले कक्षा १२ सम्म नि:शुल्क शिक्षा प्रदान गर्ने घाेषणा गर्नुभएकाे छ।
भरतपुर विमानस्थलमा पत्रकाहरुसंग कुराकानी गर्दै लिङ्देनले साे घाेषणा गर्नुभएकाे हाे ।
आगामी चुनाव आफ्नाे पार्टीले जितेकाे सवै स्थानमा निशुल्क शिक्षा प्रदान गर्ने घाेषणा सहित चुनावमा जाने उहाँको भनाई छ । शिक्षा सहित सुशासन,भ्रष्टाचारमुक्त समाज निर्माण गर्ने बताउंदै आसन्न चुनावमा कुनैपनि दलसँग गठन्धन नगर्ने र एक्लै चुनावमा जाने बताउनुभयाे ।
अहिले राप्रपा नयाँ दृष्टिकोणबाट अगाडि बढ्न खाेजेकाे र यसले देशमा नयाँ ध्रुवीकरण पैदा गरेकाे उहाँको भनाई छ । लिङ्देनले भन्नुभयाे,”राजनीतिलाई पेशा,व्यवसाय मान्ने ओढ्ने ओेछ्याउने बनाउने,राजनीतिलाई भान्सा ट्वाइलेट मान्नेहरु एक समुह छन् भने अर्काेतर्फ राजनीतिलाई सेवाकाे माध्यम मान्ने अर्काेतर्फ छाैं । हाम्रो पार्टीबाट पनि केही त्यस्ता व्यक्तिहरुले छाेडेका छन् ।” अरु पार्टीमा भएका राम्रो मान्छे र देशलाई माया गर्नेहरु राप्रपा प्रवेशकाे लहर चलेकाे भन्दै राजनीतिलाई पेशा व्यवसाय मान्नेहरुमात्रै राप्रपा छाडेकाे बताउनुभयाे ।
लिङ्देन राप्रपा चितवनले आज आयाेजना गरेकाे विशाल आमसभामा सम्बाेधन गर्न आउनुभएको हाे । अहिले कार्यक्रम पारस वसपार्कमा जारी छ।