नवलपुर । पूर्वपश्चिम राजमार्गको नवलपुर खण्डमा सवारी दुर्घटना भएको छ ।
जिल्ला प्रहरी कार्यालय नवलपरासी पूर्वका अनुसार आज विहान साँढे १० बजेतिर विनयी त्रिवेणी २ विश्वकर्मा मन्दिर नजिक पूर्व पश्चिम राजमार्गमा पश्चिम बाट पूर्व तर्फ आउदै गरेको लु १ ख ८७५९ को यात्रुवाहक बस र बिपरित दिशा बाट जादै गरेको लु २ ख ८४० को ट्रक एक आपसमा ठक्कर खाएका हुन् ।
दुर्घटनामा बसचालक सहित बसमा सवार यात्रुहरु मध्ये ३ जना गम्भिर,९ जना मध्यम,१४ जना सामान्य गरी कूल २६ जना घाईते भएको प्रवक्ता सन्तोष पाठकले जानकारी दिनुभयो ।
घाइतेमध्ये १० जनाको पुरानो मेडिकल कलेज भरतपुरमा र अन्य १६ जना घाईतेहरुको मध्यबिन्दु जिल्ला अस्पताल डण्डामा उपचार भईरहेको उहाँले बताउनुभयो ।दुबै सवारी साधन र ट्रक चालक प्रहरीको नियन्त्रणमा रहेको छ ।