चितवन । चितवनमा दुई सवारी ठोक्किदा पाँच जना घाइते भएको छ । जिल्ला प्रहरी कार्यालय चितवनका सूचना अधिकारी नरहरि अधिकारीका अनुसार खैरहनी ९ बैरेनी चोकमा आईचर ट्रक र ट्याङकर ठोकीएको हो ।
अधिकारी अनुसार आईचर चालक चितवन भरतपुर १२ बस्ने बर्ष ५० का गजेन्द्र कुमाल, आईचरमा सवार रोल्पा रुन्चीगढी १ का २२ वर्षीय नबराज परियार,दाङ राजपुर गाउँपालिका ६ बस्ने बर्ष २८ का जित बहादुर बुढा, रोल्पा रुन्चीगढी गाउँपालिका ९ बस्ने बर्ष १९ का प्रकाश कामी र ट्याङकर चालकरु रुपन्देही बुटवल उपमहानगरपालिका १६ बस्ने बर्ष ३६ का मनोहर दगुरिया थारु घाइते भएका हुन् ।
उनीहरुको पुरानो मेडीकल कलेजमा उपचार भइरहेको प्रहरीले जानकारी दिएको छ ।
साईबाबा पेट्रोल पम्प अगाडी बिरगंजबाट टाडी तर्फ आउदै गरेको लु१ख ६४१८ नम्बरको डिजेल लोड ट्याङकर र विपरित दिशबाट जादै गरेको ना१ख ३४३२ नम्बरको आईचर ट्रक एक आपसमा ठक्कर खाएका थिए ।
