चितवन । कोरोना संक्रमणको अवस्था सामान्य हुन थालेपछि पर्यटकहरु नेपाल आउन थालेका छन् । पछिल्लो समय संख्या बढेको अध्यागमन विभागका महानिर्देशक नारायणप्रसाद भट्टराईले जानकार दिनुभयो ।

अहिले दैनिक २ हजार पर्यटक आउने गरेको उहाँको भनाई छ । सन् २०२२ को अप्रिल १ देखि १० तारिखसम्मको तथ्यांक हेर्दा दैनिक लगभग २ हजार विदेशी पर्यटन नेपाल आउने गरेका हुन् ।१ तारिखमा एकैदिन २ हजार ५ सय १३ विदेशी नेपाल आएका छन् । यसबाट पर्यटक आगमन संख्या बढ्दै गएको पुष्टि हुने भट्टराइको भनाई छ । अप्रिल ९ मा मात्रै पहिलो पटक एकै दिन २ हजार ५९३ जना विदेशीहरू नेपालमा आएका छन् । यो तथ्यांक संभवत विगत २ वर्ष अर्थात् सन २०१९ यताको सबै भन्दा धेरै रहेको भट्टराइको भनाई छ । कोभिड १९ को कारणले सुस्ताएको नेपालको पर्यटन क्षेत्रले बिस्तारै गति लिदै गरेको उहाँले बताउनुभयो ।

तथ्यांकअनुसार सन् २०२२ को जनवरीदेखि मार्चसम्ममा नेपालमा ७८ हजार १ सय ८२ विदेशी पर्यटक नेपाल भ्रमणमा आएको अध्यागमन विभागले जनाएको छ।