चितवन । राष्ट्रियसभा सदस्यमा मनोनित नारायणप्रसाद दाहालको सपथ ग्रहण आज हुँदैछ । आज बिहान ११ बजे संसद्को दिगो विकास तथा सुशासन समितिको कार्यकक्षमा सपथ ग्रहण हुने भएको हो ।

दाहाल प्रचण्ड का भाइहुनुहुन्छ। पूर्व राष्ट्रियसभा सदस्य रामनारायण बिडारीको स्थानमा उहाँलाई लगिएको हो ।

बिडारीसहित २० जना राष्ट्रिय सभा सदस्यको १२ माघमा चार वर्षे कार्यकाल पूरा भएको थियो । १९ जनाको स्थानमा निर्वाचन भएको र १८ जना पाँच दलीय गठबन्धनको र एकजना एमालेबाट निर्वाचित भइसकेका छन् ।

मन्त्रिपरिषद् बैठकको सिफारिसको आधारमा २५ चैतमा राष्ट्रपति विद्यादेवी भण्डारीले दाहाललाई मनोनयन गर्नुभएको हो