काठमाण्डौ । जापान जान लागेकी एक युवती गोली सहित पक्राउ परेकी छिन् ।हिजो नेपाल एयरलाईन्सको उडानद्वारा काठमाण्डौबाट क्वालालाम्पुर (मलेसिया) हुँदै नारिता (जापान) जान लागेकी ती युवती यात्रुबाट प्रहरीले गोली बरामद गरेको हो ।

ती युवती तनहुँ भानु नगरपालिका ७ की २७ वर्षीय सोबिता नेपाली रहेको नेपाल प्रहरीले जनाएको छ ।

घ्यू रंगको लेडिज हाते व्यागलाई त्रिभुवन अन्तर्राष्ट्रिय विमानस्थलको अन्तर्राष्ट्रिय उडानतर्फ प्रस्थान होल्ड ब्यागेज चेकिङमा चेकजाँच गर्ने क्रममा गोली फेला परेको हो ।

ब्यागभित्र रहेको कालो रंगको मनिपर्स भित्र १ राउण्ड गोली फेला परेपछि पक्राउ गरी आवश्यक अनुसन्धान एवं कारबाहीको लागि महानगरीय प्रहरी वृत्त, गौशाला पठाइएको प्रहरीको भनाई छ।