चितवन । नेपाल सुनचाँदी व्यवसायी संघ चितवनको छैठौं र सातौं वार्षिक साधारण सभा तथा चौंथो अधिवेशनको अवसरमा पत्रकारद्वय सूर्य प्रसाद अधिकारी र अमिर रामदाम सम्मानित भएका छन्।
सुनचाँदी चितवनको समृद्धि, विकास, समस्या निराकरण र उन्नयनका लागी पत्रकारिता माध्यमबाट खलेको भुमिकाको कदर गर्दै पत्रकार अधिकारी र रामदामलाई सम्मानित गरिएको हो ।
संघले संस्थापक अध्यक्ष खड्कलाल विश्वकर्माको स्मृतिमा स्थापित “स्व।खड्कलाल विश्वकर्मा स्मृति पत्रकारिता पुरस्कार“ वर्ष २०७८ बाट प्रशंसा पत्र, दोसल्ला र नगद पांँच हजार सहित आर्थिक अभियान राष्ट्रिय दैनिकका पत्रकार सूर्य प्रसाद अधिकारी र स्वर्ण खबर साप्ताहिकका कार्यकारी सम्पादक अमिर रामदामलाई सम्मानित गरेको थियो । सो सम्मान तथा पुरस्कार यो वर्ष देखि सुरूवात गरिएको संघका अध्यक्ष टेकबहादुर विश्वकर्माले जानकारी दिनुभयो ।
कार्यक्रमको प्रमुख अतिथिमा भरतपुर महानगरपालिकाकी नगर प्रमुख रेणु दाहाल र सभापतित्व संघका अध्यक्ष टेकबहादुर विश्वकर्माले गर्नुभएको थियो ।