गैँडाकोट । नवलपुरको गैँडाकोटमा स्कुटरले ठक्करदिँदा एकजना पैदलयात्रीको मृत्यु भएको छ । जिल्ला प्रहरी कार्यालय नवलपुरका सूचना अधिकारी डिएसपी सन्तोष पाठकका अनुसार गैँडाकोट ५ को काँग्रेसचोक ग्रिन डेभलप्मेन्ट बैंक अगाडि पूर्वबाट पश्चिमतर्फ गइरहेको बा प्र. ०३ ००३ प २८३४ नम्बरको स्कुटरले ठक्कर दिएको हो ।

ठक्करबाट गैँडाकोट ५ का ७५ वर्षिय लालप्रसाद न्यूरेको मृत्यु भएको छ। ठक्करपछि गम्भिर घाइते न्यूरेको चितवन मेडिकल कलेजमा उपचारका हुँदैगर्दा मृत्यु भएको पाठकले जानकारी दिनुभयो ।

ठक्कर दिने चालक गैँडाकोट ८ बस्ने वर्ष २३ की मेनुका रिजाल र स्कुटर प्रहरी नियन्त्रणमा रहेका छन् । चालक सामान्य घाईते रहेको उहाँको भनाई छ ।