चितवन । स्थानीय तहको निर्वाचन २०७९ वैशाख ३० गते हुँदैछ । सोही चुनावका लागि उम्मेदवार छान्न नेपाली काँग्रेसले आकाक्षिहरुलाई नाम दर्ता गर्न आह्वान गरेको छ ।
नेपाली काँग्रेस चितवनको पार्टी कार्यालयमा विहानदेखि नाम दर्ता गर्न सुरु भएको थियो ।
बिहान ११ बजेदेखि नाम दर्ता खुल्ला गरेको काँग्रेसले हालसम्म मेयरमा १३ र उपमेयरमा पनि १३ जनालेनै नाम दर्ता गरेको काँग्रेस भरतपुर महानगर समितिकी सचिव प्रनिशा गुरुङले जानकारी दिनुभयो ।
उहाँका अनुसार आइतबार मेयर पदमा मनोनयन दर्ता गराउनेमा भरत अधिकारी, शंकर कँडेल, तारानाथ पौडेल, उत्तम जोशी,चित्रसेन अधिकारी, जगन्नाथ पौडेल,रामप्रसाद अधिकारी,विजय शर्मा भुसाल, दिनेश कोइराला, पार्वती शाह ठकुरी ,दिर्घमान श्रेष्ठ,निलकण्ठ शर्मा रिजाल र गौरी कुमारी श्रेष्ठ रहेका छन् ।
यस्तै, उपमेयर पदमा तारा गुरुङ, बुद्धिकान्त न्यौपाने, लक्ष्मी लामिछाने, नीरु कार्की,कल्पना पौडेल , देबेन्द्र बहादुर गुरुङ,टंकनाथ पौडेल,पुर्ण बाहादुर गुरुङ,राजिब न्यौपाने, बिरेन्द्र केसी,भुपतिदास सापकोटा, केदार नाथ बराल र रबिभद्र शर्मा खनालले मनोनयन दर्ता गराउनुभएको हो ।
नेपाली काङ्ग्रेसको केन्द्रीय निर्देशन र चितवन जिल्लाको परिपत्र अनुसार आज आइतबारबाट भरतपुर महानगरपालिकाको महानगर प्रमुख र उपप्रमुख पदको लागि मनोनयन दर्ता शुरु गरिएको हो । मनोनयन भोलि सोमबार अपरान्न चार बजेसम्म चल्ने माहानगर काङ्ग्रेसले जनाएको छ । भोलिपनि थप संख्या बढ्न सक्ने अनुमान गरिएको छ ।
