भरतपुर । बौद्धिक अपाङगता अभिभावक संघ चितवनले २ लाख बराबरका सामाग्री सहयोग गरेको छ । बौद्धिक अपाङगता भएका व्यक्तिको डेकेयर चलाउँदै आएका विद्यालय तथा समूहलाई सामाग्री सहयोग गरेको हो ।
भरतपुर महानगरका उप–मेयर पार्वती शाह ठकुरीले सहयोग सामाग्री हस्तान्तरण गर्नुभएको हो । नारायणी नमुना माविको बौद्धिक अपाङगता इकाईलाई फिजियोथेरापी मेसीन, भरतपुर–२२ धनौजीको आधारभूत बौद्धिक विद्यालयलाई स्टील दराज, किताब राख्ने ¥याक सहयोग गरिएको छ ।
यस्तै भरतपुर–१ को बालकुमारी सुस्तमनस्थिति विद्यालयलाई प्ले मेटल, भरतपुर–२६ को मष्तिष्क पक्षघातका लागि अभिभावक स्वावलम्बन समूहलाई वाटर फिल्टर, भरतपुर–१५ को श्रीपुरको सुस्तमनस्थिति कल्याण विद्यालयलाई म्याटे«स, टेप्ची, प्रेसर कुकर लगायतका सामाग्री सहयोग गरिएको छ ।
महानगर उपमेयर पार्वती शाह ठकुरीले बौद्धिक अपाङगता भएकाहरुलाई पुर्नस्थापना केन्द्र निर्माण गर्न लागिपर्ने बताउनुभएको छ । महानगरले सहयोग गर्दै आएपनि जग्गा खोजी कार्य नटुंगिएकाले यही वर्ष पुर्नस्थापना केन्द्र बन्न नसकेको बताउनुभयो ।
पुर्नस्थापना केन्द्रका लागि महानगर सधै सकारात्मक रहेको बताउनुभयो । संघका अध्यक्ष निर्मलकुमार श्रष्ठले बौद्धिक अपाङगता भएकाहरुलाई हेरचाह गर्न कठिन हुने गरेकाले राज्यलेनै पुर्नस्थापना केन्द्र बनाए सहज हुने बताउनुभयो । संघका निवर्तमान अध्यक्ष टेकबहादुर थापाले बौद्धिक अपाङगता भएका व्यक्तिहरुलाई उचित स्याहारसुसारका लागि तालिमको खाँचो रहेको बताउनुभयो ।
नारायणी नमुना माविमा ३३ जना, धनौजीमा १२ जना, बालकुमारीमा २७ जना, स्वावलम्वन समूहमा १० जना, श्रीपुरमा ३६ जना डेकेयरमा बस्दै आएका छन् ।
