भरतपुर । जिल्लामा संघीय मातहतको एकमात्रै भरतपुर अस्पतालले आज आफ्नो ५९ औं वार्षिकोत्सव मनाउँदै छ । वार्षिकोत्सवका अवसरमा आज शुक्रबार ओपिडि (बहिरंग) सेवाको टिकट निःशुल्क गरिएको अस्पतालले जनाएको छ ।

वार्षिकोत्सव दिउँसो १ बजेबाट सुरु हुनेछ । कार्यक्रमको पूर्व प्रधानमन्त्री पुष्पकमल दाहाल प्रचण्ड प्रमुख अतिथि रहनुहुने बताइएको छ ।
अस्पतालका सूचना अधिकारी गोपाल पौडेलका अनुसार आज बिहान बिरामीलाई फलफूल वितरण गर्ने कार्यक्रम रहेको छ ।

वार्षिकोत्सव अन्तर्गतका स्मारिका विमोचन, खेलकुद प्रतियोगितामा, कविता वाचन प्रतियोगिता, वक्तृत्वकला प्रतियोगितामा उत्कृष्ट हुनेहरूलाई पुरस्कार वितरण, सेवा निवृत्त र उत्कृष्ट कर्मचारीलाई सम्मान लगायत कार्यक्रम हुनेछ उहाँले बताउनुभयो ।